O colaborador de badalnovas Manuel Herminio deixanos este artigo
Dende Seixo-Albo
Todos camiñamos á espera de como irá esa guerra que comezou Trump e Netanyaju. Eles coas súas paranoias comezaron este lío pra defender os seus intereses económicos e abriron un tempo cheo de incertezas que veremos como remata.
Debe quedar moi claro que o réxime teocrático iraní é unha ditadura en toda regla. Tamén que as súas barbaridades contra os dereitos humanos e contra as mulleres son inxustificables. Tamén debe quedar moi claro que no mundo hai moitas máis ditaduras ás que se lle rende boato e non se atacan.
Vivimos tempos nos que moitos patriotas de bandeira e pulseira, ós que se lle enche a boca o falar de España, hoxe xustifican esta guerra e actúan como vasalos do ególatra, narciso e caprichoso presidente dos ianquis e tamén do guerreiro israelí. Con todo, falando destes que apoian a agresión, compre lembrar algúns feitos históricos que din, que o amor que lle teñen á este pais ten máis de interese económico que doutra cousa.
Vexamos: as bases americanas parten dun tratado que Franco, o ditador, fixo cos americanos pra esquivar a fame que veu como consecuencia do golpe de estado contra a república e a posterior guerra civil. Entendo que moitas persoas da miña idade lembraran que, despois de asinado o convenio cos ianquis, chegou o leite en po, o queixo amarelo ás escolas e tamén uns fusís cetme xuntos cuns coches vellos para o exercito.
E todo a cambio dunhas bases que hoxe seguen operativas e nas que mandan e moito os americanos. Ise foi o trato: vender parte da soberanía a cambio de matar a fame naqueles tempos e manter o ditador no poder. Digo isto pra refrescar a memoria deses rapaces novos que abrazan doutrinas moi perigosas para a sociedade democrática.
Mais agora estamos noutra tesitura dado que rematada a segunda guerra mundial as nacións sinalaron uns principios que as grandes potencias dende hai un tempo vulneran ó seu antollo e fano unicamente segundo os seus intereses económicos. E nesta situación estamos. Pois, si pra xustificar e levar a cabo esas guerras hai que saltar as leis e hai que empregar termos bíblicos e oracións relixiosas mal imos. A imaxe de Trump cós representantes relixiosos danos unha idea de como camiña este mundo cheo de contrariedades.
O belicosidade sempre tivo o silencio, cando non o apoio, das relixións, o que non deixa de ser unha forte chata entre o que predican e o que fan. Curros xa o dicía nun dos seus poemas cando Deus ollaba o mundo que el creara: Si este é o mundo que eu fixen que veña o demo e me leve.
Vivimos tempos que non auguran nada bo pra a humanidade. Os intereses estratéxicos dos imperios, que o final non son máis que económicos, pesan e moito. Pois no noso Estado hai predicadores chamados patriotas que apoian esta guerra. Xente que di que camiñamos polo vieiro errado e que sempre hai que estar cos poderosos, aínda que estes violen as leis internacionais e nos traten como subditos. En fin: esperemos acontecementos e o tempo será o que dea ou quite razóns.
Con todo, se aspiramos a que o mundo non estea gobernado pola lei da selva, non queda outra que respectar as normas internacionais que os estados puxeron en vigor, e tamén desenmascarar a ises falsos profetas. Pois camiñar cara unha confrontación bélica, ou se o prefiren, cara a terceira confrontación mundial, levaranos un fracaso colectivo no que todos sairemos perdendo.
OS MELLORES ESTABLECEMENTOS
Outros artigos de Manuel Herminio Iglesias
A opinión de Manuel Herminio: “Cuba na encrucillada”
A opinión de Manuel Herminio: “Quixemos cambiar o mundo…”
A opinión de Manuel Herminio: “O mundo ten alzheimer?”
A opinión de Manuel Herminio: “A faciana agochada dos deuses”
A opinión de Manuel Herminio: “A lei do máis forte”
A opinión de Manuel Herminio: “A velocidade como meta”
A opinión de Manuel Herminio: “Ás portas do Nadal lembrando a Marcos”
Agochar o que non gusta da historia
Licenciado pola universidade da vida
A deshumanización da sociedade
Tiranos con facha de demócratas
Pode arredarse música e cultura da política?
Nas mans de ególatras e imperialistas
Soamente unha visión: a económica
O insulto no canto do argumento
Tempo de charlatáns e predicadores
Non todo vale pra acadar o poder
Ditadores coa faciana de demócratas
A opinión de Manuel Herminio: “Enfurruñados ou riquiños”
Quen fala dos problemas desta terra?
Asaltar o ceo contra o pracmatismo
A fantasía e o consumismo no Nadal
Feijoo e as maiorías absolutas
Descoñecen o que berran e chantean?
Lavándolle a faciana a extrema dereita
Moita enerxía sen rentabilidade
Ourense: Sen obxectivos nin proxectos
Ourense, por riba das ideoloxías
Vandalismo, botellóns e desleixo
Dúas maneiras de actuar na política
Lembrades a democracia organica?
